Jingieit Ba Maïan,

Jingieit ba maïan,
Naei keiñ ngan shem?
Sha pyrthei nga leit wad,
Uei ban sngewlem?

Sngi ki nang ïaid, nga jam sha khmat,
Na jngai nga i, ka kper itynnat.
Mynsiem ka khring, ki khmat ka pynbieit,
Dohnud jong nga ka ïai pynsmiej.

Kumta nga beh ban peit ïa ka,
‘Hangne ngan shem jingsuk shyrtaʼ.
Phewse da hajan, kylla khongpong,
Ϊa nga ka rah nalor sha tdong.

Mynsiem ba lung, ka tan ka bam,
Ban pynjot thiaw, ka dung ka sam.
La jot la swai, la tlot la sakma,
Shano ngan leit nangne mynta?

Joit nga ïeng, nga ïaid marwei,
Dohnud ka pait, ummat ki shlei.
Ha khmih nga phai sha lynti khim,
Hangta nga shem iʼu Nongpynim.

Jingpang jingmong la tap syrtap,
Da kti bʼla pyïar bad sah ki dak.
Dei hangne keiñ nga shem jingkmen,
La pynim pat iʼu briew bʼla rem.