U Swami Lokeswarananda
KA JINGSDANG BARIT
Hadien ka jingiakren bad jingiapyni-lad la rai ba yn plie shuwa da ka skul miet na ka bynta kiba la tymmen bad la heh la san. Lada kane ka iaid shaphrang, yn sa plie sa ïa ka skul step na ka bynta ki khynnah rit. Ka long ruh kaba sngewtynnad ban kdew hangne, ba naduh ba sdang u Ketoki u la aiti ïa ka kam ha ki rangbah bad tymmen shnong ban rai ba ha kano ka rukom ka kam jong u ka dei ban long’ U la pynshai ruh ha ki ba kumba um shym la kwah jingsieW eiei na ki ïa kano kano ka kam kaba u trei, kim dei ruh ban khmih lynti ba un wan rah spah na shabar ri—kumba ka Balang Khristan ka la leh. U la batai ruh ha ki shaphang ki jingthmu ba ka Ramakrishna Mission ka la buh shuwa ban sdang ïa kano kano ka kam ha ino ino i jaka. U la kdew ba kan nym sdang ïa kano kano ka kam lymda ki trai shnong ki kwah lane iakynpham
lem ïa ka ha ka liang ka jingia aijing mut lang bad ka pisa tyngka. Ka ban sah jingkynmaW ka long ba ki Khasi jong ka shnong Shella wat la ki long kiba duk da kaba kyrmen ha la i jingioh barit jong ki na ka rep ka riang, ki la mynjur da kaba suk mynsiem ban iadon kti bad kit khlieh lang ha ka liang pisa tyngka katba ka hi ka dang neh. Hynrei kaba kham shon jingmut ka long ba haba ki shem ba u Ketoki hadien ka jingsah jong u bad u Mathuranath ar ne lai sngi, teng teng u la dei ban leit jingleit khlem bam khlemdih, téng teng ruh u bam katba lap katba shem. Kumta ki la tyrwa ïa u ka jaka shong jaka sah kaba kham thikna ha ing jong ki. Kim ju iawer ïa u ban iabam iadih ryngkat namar ba ki tharai ïa u kum kiwei pat ki Hindu kiba na rithor, ba un nym treh ban bam lang bad ki. Kumta ki la ai da u khaw, ki jhur bad kiwei kiwei ki jingdonkam ha kaba u Ketoki u la dei ban Shet ban tiew hi miet step. Ynda haba ki la shem ba um ju khein khyndiah ïa kano kano ka jingbam kaba la ai bad shet ma ki bad kum ban ong ba um ju niew-poh ne ibein ïa kano kano ka jaid ki la khot ïa u ban wan bam ja lang bad ki. U Ketoki ruh u la leit da kaba pdiang sngewbha ïa ka jingwer jong ki. Kane ka pyni ïa ka jingsdang jong ka jingiadei kum la uba ha ing ha sem kaba dap da ka ka jingieit, ka mon babha bad ka jingiashaniah iwei ïa iwei pat haduh kaba kut. Ka skul kaba u Ketoki u la plie ïa ka skul miet ka la roi shibun ha kaba u la hikai ktien Bangla ïa kito baroh kiba la heh la san. Ki ruh ki la nang ban kren katto katne kyntien khamtam eh ha ki iew ki hat bad kito ki Benga!i, ka khai pateng ruh ka ïa iaid bha hapdeng jong ki. Haba ka skul
ka la neh kumba katto katne bnai ki rangbah shnong ki la sngewdei ban plie sa ïa ka skul-step na ka bynta ki khynnah rit. Kumta la plie ïa ka kum ka jingpyrshang, ha kaba u Ketoki u la hikai. Tang hadien katto katne por. ka skul ka la roi shibun bad ka jingwan ki khynnah ka la nangbun nangbun kiba la wan ym tang ki khynnah Hindu hynrei wat ki khynnah khristan ruh namarba u Ketoki u la long u nonghikai batbit. U la dei ban trei shitom shibun namarba u la hikai artylli ki skul. Haba u lait por u la pyrshang ban pyntbit ialade ban nang ïa ka ktien jong ki bad ha kaba tip bad peit thuh ïa ki rukom im jong ki, ki riti-dustur, ki akor, ki rukom ngeit niam bad kiwei kiwei: de. U la rung man la ka thliew ing khlem da niew shiliang khmat iano iano, la ka dei Hindu ne Khristan, baduk ne bariewspah.
KA JINGTHMU KA KAM JONG U
U la pynshai ha ki baroh ba um shym la wan na ka bynta ka jingthmu ba shalyndet ne ban pynkylla Hindu ïa ki, la ha ka jingshisha ba lada uno uno uba long Hindu, u kwah ban tip shuh shuh ïa ka Niam Hindu u la kloi ruh ban iarap ïa u. Ka la pynsngewsih shibun ïa u ban ïohi ba ka jingkylla niam jong ki ka dei namar ki long kiba duk bad ba dangdum. Kaba kham ktah ïa u ka long haba u la ïohi ba kito kiba la kylla niam Khristan ki la sngew nongwei ïa la ka ri la jong. Hynrei un leh kumno tang ma u hi marwei pyrshah ïa kane? Kumjuh ruh, u sngew ba lada un pynkynduh jingmut ïa ki, kan long kum ban pynbor ha ka jingshaniah bad jingieit ïa u. Ki don kata ka jingsuba sniew ïa ki riewthor baroh kiba kwah ban pynkohnguh ïa ki ha ka jinglui lui bad jingngeit bieit jong ki. U la dei, namar kata ban pynsngewthuh shuwa ïa ki ba u long uba iapher jingthmu na kito baroh ki riewthor kiba ki la lap bad ïoh i. U la pynshisha ba um shym la wan ban khwan myntoi ialade shimet, hynrei ban iarap lem ïa ki. Dei kata kaba u kwah eh ban leh na ka bynta jong ki. Ha kawei pat ka liang u la sngewdonkam ban batai ha ki ïa ka jingthmu jong ka jingim jong u kum u Maharaj jong ka Ramakrishna Mission, u la khmih lynti ym da kaba khwan myntoi ialade namar kane kam ialam ïa u sha kata ka jingshisha ba kut tam kaba don ha ka jinglong niam.
KA JINGNANG ïA KA KTIEN KHASI
U Ketoki u la tip ba un nym lah ban iakren ïa kine ki kam baroh bad ki Khasi ne wat ban sngewthuh ïa ka jingmut jong ki, lymda u la lah ban kren bad nang bha
ïa ka ktien jong ki. Kumta u la pynleit ïa la ka jingmut jingpyrkhat baroh ha ka ban pyntbit ïa lade ha ka ktien Khasi. Ka jingkwah jong u kam shym la slem bad tang hapdeng lai bnai u la lah ban kren kum u Khasi hi bad ki briew baroh ki la ïa lyngngoh ïa ka jingnang jong u. Shen hadien, u la lah ban iakren iakhana tiak tiak ha ka ktien Khasi ha kino ki kam khamtam ha ka jingthmu kaba u don bad ki Khasi. Kito kiba la iakren bad iathuhkhana bad u ki la sakhi ïa ka jingnang jong u ïa ka ktien Khasi bad ïa ka rukom kren ïa ki kyntien khlem don jingbakla.
KA JINGMAHAM ÏA Kl KHASI
Da ka jingiakren iakhana jong u, um shym la kynshoit ïa ka jingpyrkhat jong ki ha kino kino ki rukom bakyrpang, Iait tang ban maham ïa ki pyrshah ïa ka jingduh noh jong ki ïa la ka hok kum ka jaidbynriew katba ki dang pyrshang ban ïoh ïa ka kabu babha, bad ki dei ruh ban ialeh dohim dohiap katba dang don ka por ha kane ka juk. Ha kawei ka liang u la kwah ïa ki ban nang iaid shaphrang da kaba bishar bniah bha ïa ki lynti badei ban iaid bad ban nym klet noh ïa la ki nongrim babha kiba ki la ïoh khamti naduh hyndai hynthai. U la kdew ruh ha ki ba kan long lehnohei ban im ne sahbieit marwei kumba ki la im mynshuwa. Ki dei ban tur shaphrang ban iashim bynta lang bad ki para-ri ban pyniphuh iphieng ïa la ka lawei jong ka ri. Barobor ki pynpaw ïa la ka jingartatien bad jingbymlah ban shaniah ïa la ka nusib ka ban sa jia lada kim pyrshang ban kiar na ka jingkulmar jong ka jingim ba la leit. U la batai ha ki ba ka
Jingirn kam shong ha kaba marwei, bad kam iah ruh ban jia wat ha kine ki juk kiba mynta, hynrei da kaba ianujor bad kaba bha la ka wan na kano kano ka phang, da kaba kyntait ïa ki jingshukor kiba pynthut ïa ka Jingbha ka ban sa jia.
Katba ki dang ïa shahshkor dngong ïa ki jingsneng jong u. Ki sngew kumba ki la ïoh shisha ïa ka jingim bathymmai wat la ki jingkren jong u kim da Shai bha. Ki la kohnguh ïa ki jingbthah jong u namarba ki sngewiadei ba ka long ka kam kaba khraw kaba u la shon Shap ha ka dohnud jong ki. Suki-pasuki ki la lah ban ithuh ïa u ba u long uba Pher jinglong na kito kiwei pat ki riewthor bad ki nongpyniaid ïa ka Balang Khristan, kiba la ialam ïa ki, khlem da kdew ïa kano kano ka lynti ba ki dei ban leh bad ban bat skhem ïa la ka jingshisha kum kawei na ki jaidbynriew babun.
(yn dang bteng…)