U Swami Vivekananda u la batai shaphang u Blei Hati bad shaphang u Blei Mahut (U Nongñiah Hati) ha ki hynñiew sngi. Ka jingkylli kaba mih ka long, balei la mane Blei ïa u Hati?
Don u Blei hapoh jong u Hati kumta u Hati u dei u Blei bad u Blei u don hapoh jong ka Dohkha ruh kumjuh, kata ka mut ba u Blei u don ha ki ba bha bad kumjuh ha ki ba sniew ruh.
Ha kane ka jingiathuh khana, u Rangbah Niam u la ong ïa la u synran ba kiei-kiei baroh ki dei ki Blei. Ha kawei ka por shikynhun ki Hati lamwir ki la wan, baroh ki synran haba ki la ïohi ïa kane ki la phet hynrei tang uwei napdeng jong ki um shym la khih na ka jaka ba u don namar ba u don ka jingngeit baskhem ïa ki kyntien kiba u Rangbah Niam u kren, ba ngi dei ban pyndem ha u Blei u ba don hapoh jong uno-uno ne kiei-kiei baroh. Wat haba u Mahut u la hylla, “Phet shajngai! Phet shajngai!” hynrei une u synran um shym la patiaw satia.
Kumta, uwei napdeng kita ki Hati u la bret ïa une u synran sharud, hynrei donbok ba um shym la iap. Ki synran ki la wan biang hadien ba u Hati u la phet ki la ïalam ïa u sha u Rangbah Niam, u Rangbah Niam u la kylli ïa u, balei ba um shym la phet na kata ka jaka? U synran u la jubab, “Kynrad, dei maphi hi ba ong ba u Blei u don hapoh jong uno-uno bad kiei-kiei baroh, nga la bud beit ïa ki kyntien jong phi”. U Rangbah Niam u la ong, “Khun jong nga, balei pat phim sngap ïa u Blei Mahut?”.
U Blei u dei trai bad u dei hok ruh ïa uno-uno uba don ka jingmut jingpyrkhat kaba khuid ba suda. U don hapoh jong baroh kiba don ïa ka bor sngewthuh kaba shida. Nga dei tang ka tiar, u dei u Nongshna tiar. Nga dei tang ka ïing, u dei u Nongsumar ïing. Une u dei u Blei Mahut.
