Ki Kyntien Ka Kmie Bakhuid:
Sayings of Holy Mother Sarada Devi
•Katba u briew u dang don ka jingangud, ym don jingsuk ha ka dohnud. Ka dei ka jingangnud ka ba la pynlong ïa u ban shim na kawei ka dur sha kawei pat. Ïa u briew yn kha pat wat lada u kwah ban bam wat tang shiIyngkhot u kpu ruh.
• Ka kham bha ban khot ïa u Kynrad da la ka dohnud baroh tang shisien ban ïa ka ba shu iai pyrta ïa ka kyrteng jong u da ki spah sien khlem pynleit jingmut eiei. Kan myntoi aiu ban shu khot ïa ka kyrteng jong u baroh shisngi ha ba ka jingmut pat kam don? Ngi donkam ban da pynleit jingmut bha khnang ban ioh ïa ki jingkyrkhu U Blei.
• Shibun ki ba kyrpad Blei tang ha ba shem jynjar. Hynrei u ta u ba la aiti mon sngewbha ha u kynrad naduh dang khynnah un ioh ki jingkyrkhu.
• Naduh ki por hyndai hynthai baroh, ki briew ki ju ïoh jinglaitluid da ka ba mane Blei. Kim khein kumta? U Sri Ramakrishna um ju sngewbha ïa ka jingiapher para briew. Ki Brahmon lane ki lyngdoh ki don kylleng sawdong. Hynrei phi dei ban kynmaw ba ïa ki riewkhuid la kha khnang ba kin long ka lynti ïa ki para briew bad uwei pa uwei na ki un kren ha ki sur ki ba pher. Don bun ki rukom ba ngi lah ban sngewthuh ïa ka jingshisha bad kine baroh ki long ki ba dei suda. Ngi lah ban ai nuksa kum u dieng u ba don bun bha ki sim ki balieh, ki baiong bad ki ba saw ki ba dem ha u bad ki ba pynmih la ki sur bapher bapher. Hynrei wat la ngi ïohsngew ïa ki sur bapher pynban ngim ju ong ba kata ka sur ka long ka jong kata ka sim bad ban iehnoh ïa kawei pat hynrei bunsien ngi shait ong tang kawei bad kata ka long ba ngi ong ba ka dei ka jingpah ki sim.
• Ka jingniew ha ba ngi khot ïa ka kyrteng u Blei ka long tang ban pynleit ïa ka jingmut jongngi sha u. Ka jingmut barobor ka ju iaid kylleng kylleng. Kumta lyngba katei ka lad, ngi lah ban leit ha jan u Blei. Ha ka ba ïai ïalap ïa ka kyrteng jong u Blei. Wat la ym shym la ïohi ïa ka dur jong u, kane ka pynlong ïa u ba ïa ka sur jong u lah ban iohsngew.
