Ka Behdieñkhlam
Kong Silbi Passah
Hui kiew-Hui kiew-Hui kiew.
Ka Meimariang da sngew muja
Sngap ka pyrta ia u unñiaw wasa
La biang ka kñia la biang ka Khriam
Dabiang ka rukom lehniam
Ka sngi daiñ dieñkhlam sdang
Kynthei ym dei tang ki shynrang
Jied teng-teng Kumba pyrta
Baroh ban wan leh sngewbha
Ka sngi leit shaw ki mih na khlaw
Leit buh dieñkhlam sha iaw Khyllaw
Dieñkhlam hangne ki ïa poi lang
Ki shad kynhoi tang ki shynrang
Kynthei narud ki wan banpeit.
Ki ksiar rupa ki riam ki beit
Ki Rot pynïeng i phuh i phieng
Baroh wan peit ani suhsieng
Ki dur ki rot kiba ot shrong
Hangne donlut baroh ki rong
Pynïeng dieñkhlam katno i phuh
Ka bom ka ksing ki da kyiuh
Ynda dei leit iaw ïong piah
Ki rot ki rah thik thik kynriah
Nangne kin rah sa sha aitnar
Ki ksai ki teh bad ka phawar
Ynda la poi hapoh aitnar
Dayosuk hieh ka niam ki pnar
Ynda la poi pat saka dad lo kor
Samla ïa kop ïa kynjat ball
Daloi hangne u ïeng u kren
Jop pynthor wah ne pynthor neiñ
Ka dad lo kor khatduh pyni
Ka niam un ñiawwasa jong ngi
