Katkum ka khanatang ba la iathuh ia ngi u Khasi u dei u khun u ksiew u hynniewtrep hynniew skum. Ngi dei kajuh ka thymmei na ki khadhynriew skum, ba ia shong ia sah lang tang da ka jingsuk kaba U Blei Nongthaw U la buh ia ki Hynrei ka khanatang ka iathuh ba ngim tip na kaei ka daw ba u khyndai u la ich khunswet noh ia ki hynniewtrep khlem da tip, hangne ha sla pyrthei. Hynrei ha kajuh ka por don pat ka khana pateng kaba ong, ba u Khasi u wan poi sha kine ki lum lyngba ka jingshlei um kaba khraw, te ha kata ka jingshlei um, umlong rah shuh ia kata ka kot kaba don ka jingthoh, kumta u la shu nguid noh ia ka kot. Watla ngi hiar pateng na ka jait bynriew kiba don ka thoh ka pule.
Lashisha ka kot bla thoh nguid noh,
Hynrei jingshai mynnor ngi ioh,
Ki kmie ki kpa tymmen bastad,
Jingshai ka mynnor mariang ki wad.
Hynrei ki kmie ki kpa, ki kõi tymmen jong ngi ki long kiba stad bad shemphang khlem kot khlem sla, ki lum jingshai na ka mariang, ki leit rep leit riang baroh shisngi yn da dep bamja miet, ki shong jah thait harud u mawbyrsiew sawdong ka lyngwiar dpei lane rympei harud ka ding kaba meh. Hangne u sneng u kraw ia ki khun ki ksiew, u sei bunjait ki khanatang ban ai jingshai jingstad, ba kin dup tip kin dup shemphang, ki hikai kumno, ban taid ban ieng, kumno ban kup ban sem, teng-teng ki temlang ia ka duitara ba ki shna da ka dieng bad teh da u ksai ryndia ne tdong kulai ban pynsngewtynnad ia ki khun ki kti, ba kin ieit ia ki khanatang kiba ki lum, da kaba shu mutdur ia ki sim ki doh ki syntiew ki skud, ki lum ki kshaıd ki wah, kiba ka mariang ka kdup da kiba bun ki rong jemnud, kumta kine ki jinghikai kiba u lum na ka mariang, u iathuh u hikai ia ki khun, harud ka lyngwiar dpei kaba long kum ka iing skul (ka kamra hikai kot) u Khasi. Naduh dang kynthong ka pyrthei u don lupa ka jingshai kumno ban ainguh ia U Kynrad, u hikai ia ki khun ki kti ban nguh arti miet step ia U Blei Uba lah ba iai u nongbuh nongthaw najrong ha tbian.
Naduh kane ka por hi la tip kumno ban rep ban riang ban leit die ia ki marbam, ban thied ia ki jingdonkam. Ka jingshai ka mynnor ha ki khun ki ksiew u hynniewtrep ka la saphriang kylleng ka bri u hynniewtrep. Ha kata ka por ban leit iew leit die leit thied dng donkam ban leit iaid kjat, ym pat don kali, kumta ki hap ban sahmiet ha ki iingbasa ba la buh lane thaw kyrpang Hangne ki tbeh ia u kseh bad sliewding ban shong syaid ding. Dei ha kane ka iing basa baroh ki nongwan iew ki iakynduh lang ki ba wan na kylleng ka bri u hynniewtrep. Hangne ki wanrah la ki jong ki khanatang kiba ki iohlum nathain jong ki, kiba na thain Bhoi ki iathuh khana ia u Manik Raitong, kiba na thain Diengiei, ki iathuh khana ia u khla ba u jliah ia ka Diengiei, kiba na Nongkrem na Smit ki iathuh khana ia ka Pah Syntiew, na thain Jaintia ki iathuh khana ia ka Lidohkha, u Lor Ryndi, kiba sha thain Sutnga, Nartiang ki iathuh khana ia u Mailong Raja, ia u Lum Shillong, u Lum Sohpet Bneng. la ka khana ki wah ki ksaid, la ki jong ki jong ki jingtip jingshai. Kumta kane ka iingbasa, ka long kum ka skulbah jong ki khun u hynniewtrep ha kata ka mynnor kaba ki ioh ban lum ia ki khanatang pyllun ka bri u hynniewtrep.
ling basa ki tbeh u kseh ban shai,
Bam kwai dih duma kine kyrhai,
lathuh la ka jong ka jong khanatang
U Bnai ki Khlur iing basa shai lang.
[14:04, 3/5/2024] Gardenia Chyne New Intern Computer Gigi: Kumta ha ka jingsngew jong ngi kum ki Khasi, ngi ki Khasi ngi long ka jaitbynriew kaba kyrpang, kaba burom ia ka jingshai ka mynnor, ki jaitbynriew kaba don la ki dustur ki riti, kiba pher na ka jong kiwei pat. Ngi don la ka jong ka ktien ka thylliej, ngi don la ka jong ka burom la ka akor. Ngi don la ka jong ka rukom sain hima sain pyrthei watla ngim don ka thoh ka tar, ngi don ki khana pateng kiba shai ka mynnor, ban tip ia ki khana pateng shaphang ka riti bapher bapher, u khun hynniewtrep naduh mynbarim, kaba iaineh naduh myndai haduh mynta. Kiba der ki ieng sarong ha ka nongrim ka akor ka burom ka tip briew tip Blei ka jingshisha bad kamai ia ka hok.
Ki nongthoh bastad ba wad ia ka history bashai ki Khasi kum u Dr. R.C. Majundar, u Dr. R.C. Raychaudhuri, u Dr. Kalinkar Datta, ki lap ba ki Khasi ki dei ki bynta ba la rim hyndai ba la khot ki jaidbynriew ba la hyndai bha. Ki dei ki jaidbynriew Neolithic kaba mut u maw thymmai, ha ka ktien Greek.
Kine ki jaidbynriew Neolithic la shem ba ki don kylleng ka Ri India. Kiba sngewtynnad ban ring bad pynieng ia ki mawbynna bad ban tep mawbah, katkum ka jingwad bniah kine ki riewstad na ki kpa tymmen, kiba sngewtynnad bad ieit ia ka mynnor ki la iasynroplang bad kine ki riew stad, ki la lap ba ha kato ka juk ba don saw jaid ki jaitbynriew ba nyngkong India Aryan, ba 2 (ar) pat ki Drauidian, kaba 3 (lai) ki kynthup ia ki Kols, ki Bhils bad Munda. Kiba 4 (saw) Neolithic ba kynthup Gurkha, ki Bhutiya bad ki Khasi. Hynrei ka jingeh haduh mynta ngim pat lap dien trai ia ka jaitbynriew jong ngi ia ki dak ki shin kaba shai, ka dei tang ka rukom ring mawbynna bad tei ia ki mawbynna, Hamar la kane lah ban sakhi haduh mynta ba ki Khasi ki dang bun kiba bat ia ka dustur riti ban leit buh mawbynna na kawei ka jaka sha kawei ka jaka.
Ka pyrthei kane ka tyllun sted,
Ki saw aiom ki leit kip het,
Riewstad ladon ba wad jingshai,
Jingim u Khasi naduh hyndai.
Mynta ngi la tip ia ka jingshai ka mynnor kaba ai ia ngi kum ka jingshai jong ka jaitbynriew ba kyrpang. Te kum ki khun samla jong ka juk mynta, kaei ka kamram jong ki ba ki dang dei ban wad ia ka jingshai bapaka, kiba ka mynnor ka dang buhrieh haduh mynta. Ki khun samla ki dei ki khlur bashai ka lawei jong ngi. Ki dang dei ban trei shitom katba dang iaid ki por ki sngi, ryngkat bad ka jingiaid lane tyllun ki saw aiom. Katkum ka jingbatai i Rangbah Sumar Sing Sawian (bam kwai ha dwar U Blei), i la ong, ka jingshai ka tynrai jong ka jaitbynriew Khasi ka dei ka kur bad ka jaid. Dei ki kur ba seng ia ka jaidbynriew. Dei ki kur kiba seng bad pynlong ia ka it ka hima. Dei ki kur ba pynlong ia u Syiem u Kmie. Dei ki kur kiba pynlong ia ka Dorbar Hima, Dorbar Raid bad Dorbar Kur. la ka Riti bad ia ka Ain pat la shna da ka imlang ka sahlang. Ka jingsngewthuh shai ia ki riti ka don arjait. Kawei kadei ia ka niam ka rukom, kawei pat ka iadei bad ka jingim shimet. Kaba sngewtynnad pat ki long shwa jong ngi ki tip ia ki law kyntang, kiba ki syiem ki ju pynlong ia ka nguh ka dem ka kñia ka khriam.
Mynta, ngim ia batai shuh lane thir ia ka jingshai ba wan kiew ki phareng shane sha Rilum Khasi Jaintia jong ngi, ha kaba la thombor bad shim shim ia ka jingim jong ki arngut ki riew khraw, ki nongialeh laitluid ka ri i jong ngi, U Kiang Nongbah bad u Syiem Tirot Sing kaba hgim lah ban klet junom, kum ka jaitbynriew ka iam pangnud namar ngim lah ban iada ia ki ban pyllait na ka kti ki phareng.
Mynta ngin ia phai noh sa sha ka bynta, ba ka jylla Meghalaya ka la ioh ia ka jinglaitluid ba pura na ka Sorkar Assam ha ka 21 u Kyllalyngkot 1972, ha kaba ka jylla
[14:15, 3/5/2024] Gardenia Chyne New Intern Computer Gigi: Meghalaya ka la ioh ia ka jinglaitluid na ka Assam, ha kaba ka Prime Minister Indira Gandhi (bam kwai ha dwar U Blei), dalade ka la wan ban pynkhamti ia ka State bapura. Kane ka jinglaitluid na ka Sorkar Assam, ka pyllong ia ngi ban sngew sarong ba ngi la laitluid. Dei ha kane ka por ba ngi dei ban iatylli lang kawei kum ka jaitbynriew kaba iar naduh Rilang shaduh Kupli pyllun ka bri u hynniewtrep. Da kumno ngin pynsaphriang ia ki symboh pyrkhat kiba la shai lupa mynnor, kumno ngin sei noh ia kita ki sap ki phong ban pynim biang ia ki. Ngi la dei ban iaid shaphrang lang bad ka jingstad jingnang, ngi dei ban trei shitom minot tyngeh ba ngin lah ban ia airing bad kiwei ki jaitbynriew. Haba la biang ka jingstad ha la ka ri da kiwei ngim shah ba kin long kynrad, dalade ia kiwei ngin pyniaid, dalade ngin long kynrad.
Ka jingsngewthuh ia ki jingeh ban pyndap pynbiang ia ka bam ka dih ruh dei mangi ban iarap ban pynlong ia ka ri jongngi kaba pahuh pahai ban lait na ka jingkyrduh. U Khasi naduh hyndai u la don lupa ka jingshai kumno ban ai mynsiem ban pynroi ia ka jaitbynriew. Kumno ban ieit ia la ka ktien ka thylliej, ka kren ka khana, kumno ban ieit ia ka riam ka kup ka sem tynrai lajong namar dei ka riam tynrai lajong kaba ka pyrthei ka lah ban ithuh ia phi. Kumta la phi don hangno hangno ruh wat klet ia la ka tynrai lajong, khnang ba ka pyrthei kan ieit bad ithuh bad burom iaphi.
Wat klet ia la tynrai,
Jingstad u longshwa phyrnai,
Ka mynnor ka khmih lynti
Jingshai ka ri dei ha phi.
Kumta dei kane ka jingtrei shitom kaba lah ban da ia ka dustur, riti haduh mynta mynne. Ka shong ha ngi ki longdien, ngi don bun ki jaitbynriew bapher bapher hangne hapoh ka State Meghalaya. Baroh ki don ka hok ban sah hangno haugno ruh. Kumta kum ki nongshong shnong ngi dei ban long kiba stad ba khraw pyrkhat, peitngor. Ngi dei ban pynneh pynsah ia kaei kaba ngi la ioh diang ia ka jingshai na ka mynnor.
Wat ia buh teng ka por la dei,
Wat ia thansi iwei ia iwei,
Ymdei ban ong ngin pyrshang,
Haba la biang jingstad jingnang.
