Ryngkat Mariang, ka jingstad ka biang

Dei jingstad ba biang, mynta tiplut.
Riewstad shemphang ki wad khlem kut,
Jinglong mariang pyrthei batai,
Kumno la pynlong ia ka sngi u bnai.

Science bantip ïai wad khlem kut,
Ha pneh mei mariang peit shim tip lut,,
Riewstad shemphang jingstad jingnang,
Baniaid shaphrang ka ri ki thrang,,

Bantip- mihngi, sepngi shathie shatei,
Bansngewthuh jing-jngai jong ka pyrthei,,
Minot tyngeh peit-thuh puson
ymdon jingeh trei, minot phi don kamon.

Pule sngewthuh bha ia ka geography;
Ban sngewthuh shai mihngi sepngi,,
Lada ngim tip ki pud sawdong,
Kumno ngin tip ka shnong ka don,,

Don kiba ong ka sngi ka mih na mihngi,
Bad janmiet pat ka sep sha sepngi.
Hynrei ka sngi ha sahit ka don.
Dei ka pyrthei ba shad kum ka latom

Miet bad sngi pyrthei tyllun.
Ngi saioh jingshai bad jingdum,,
Khat ar kynta jingshai wanrah,
Khat ar kynta jingdum ka kah;

Riewstad batai ia u snem u bnai,
Khat ar bnai shisnem don batai
Ki Aiom ki don la kajong ka por,
wanrah Khubor khun bynriew tipbor.

U slap ka lyer hapneh mariang,
Ki kshaid ki wah ki sur bathiang,,
ki da tip khun bynriew ai jingshai,
Khun bynriew ban im kin nang tyngkai,,

 jingstad pynsuk habaroh ki liang'
ymdon jingeh ki kam ki biang"
Baroh jingsuk haka don lut
 Pyndon kam hok ka ai jingsuk"

Jingstad ka dei durbhabriew babiang.
Haka donlut ki soh bathiang
 Bansuk baroh ki nongshong shnong
To wad jingstad ba bun rukom.