…Ka ba bteng
Tang dep pynbna Ïa kane , kito ki khun syiem ba ju Ïakhun thma, ki Ïa sdang hynrei tang mar shisien peit Ïa ka ryntieh ki jew slew bad ki ran dien noh. Bun na ki haba ki pyrshang ban tan. tan Ïa u ksai isbad kim lah bad kum pynhap pynban ha kjat la jong Ïa ka ryntieh. Kane ka la pynsngewbha Ïa ka Draupadi kaba dang peit kai Ïa kata ka tamasa kita ki khun syiem.
Ki Kaurava pat ki dang Ïa shong ha kawei ka bynta ka kamra kida Ïa peit bad rkhie tohhoh Ïa ka jingwan bad jingleit nohkita ki khun syiem. U Karna ruh uto uba la bit bha ha ka tiar Ïaleh u Ïa don hangta bad u Duryodhana, kaba ki para jong u ruh ki Ïa halla bad kren beiñ Ïa kita ki khun syiem. Ynda la dei saka pali jong ki pat, kata ka lympung ka shu kynjah jlam. Ka khun syiem hangta ka shu duai ba kan lait na ki ruh. Ynda ka la Ïohi Ïa u Karna ba u wan u rah Ïa ka ryntieh kumba rah Ïa u dieng sympat riphin, ka la sma tieng her. U Karna u la shim da u khnam sa ban siat haba u iohsngew Ïa ka jingkyrkait ka Draupadi,”Ngam treh Ïa u ei !” u buh noh Ïa ka ryntieh u khnam u da rkhie beiñ bad u sa shong noh. Kane ka la pynkyndit Ïa u Duryodhana uba la pasiaw ha u Karna. “Are balei ? kam don hok ban kren ei ei ha kane ka por. Lada phi pyndait ksai bad siat Ïa ka sohpdung ka dei ban pdiang Ïa phi namar Ïa ki kyndon la khlai madan. Lymda kumta phi lah ban shim Ïa ka bad phet noh. Rah rah katei ka ryntieh. Ngin Ïarap Ïa phi”. “Em”. la jubab u karna , “Ngam treh hi Ïa ka”.
Hynrei ha kata ruh ka lympung khlem don ba iohi ïa u, u don ruh uwei u briew uba yn sa pynpawnam Ïaiade ha ka Mahabharata ha ki por ban sa wan Uno u dei u Khrishna, u Syiem ka Dwaraka uba dei shisha pat uba phra ha ka jingwan long briew ïa u Vishnu uba la wan kha na ka jait Vadava. Une hi uba la wan long briew kumba la batai.
“Ban iada ïa kiba longkhuid, ban pynduh ïa kaba sniew, bad ban wanrah ïa ka hok ka sot, la kha ïa nga ha man la ki rta.
Nangta u la pasiaw ha la u para u Balaram, “Kine ki Brahmin phi tharai. dei kiei pat, lait kito hi ki Pandava kiba la ïap duh ha ka ding. La thoh lypa ïa kine kiei kiei. Ngin sa nang ïohi shuh shuh ïa ki.”
Tang shu ïeng u Arjuna na ka kynhun ki Brahmin, la don ka jinghalla bajur, “Kumno u Brahmin u nud ban wan ïakhun ha kane ka jingïaleh. Kaba mut tang. ïa ki jait ïakhun. Balei kim pynleit jingmut tang ïa ki kot Bakhuid?” Hynrei u syiem Draupada u la kyntait ïa kane ka jingpyrshah kaba u ong ba ym don ei ei kaba kum kata ha ka jingpyntip paidbah. Un uno u lab ban pyshang ha kane ka Swayamwara. Ka Draupadi ka shu peit da ka jingkhuslai katba u Arjuna u wan sha ka ryntieh. U shim da kaba suk ïa ka, u pynkhun bad teh ksai kumba pynkhun siej kot kudi. U shim ki khnam baroh 5 tylli u siat uwei hadien uwei ha ka sohpdung. Ka Draupadi ka shim ïa u siendeng syntiew bad pyndeng ha u Arjuna, bad da kumta ki sa ïathoh. U Arjuna u shim ki kti bad sa pyllait noh Mar kumta ka la don ka jingïahalla, “Ngi la shah thok ! Kumno u Brahmin u lah ban ïoh ïa ka kynthei Kshatriya? Ngin ym lah ban shah ïa kane. Ngin pynïap ïa u Syiem Draupada bad ïa ka kynthei. La khie buk ka thma. U Bhima uba kham khlain na ki Pandava u la phut artylli ki dieng bah u la kawut bad ïada ïa ka Draupadi katba’ ki nang ïalam sha la ka jaka sah.
Ka Kunthi ka dang don ha ing shetja bad tang poi, U Bhima kum ban kren kai u pvrta, “Mei, Mei, ale wan peit, ngi ïoh mar khrong aiu kmne mynta ka sngi.” Ka Kunthi pat kaba ym shym mih hi, hynrei ka la ong, To, to, to, ïa bynta ïa ka hapdeng jong phi keiñ. Ka la don ka jingkyndit kulmar bad jingïahalla ha kine ki hukum ka kmie. Ynda ka kmie ka la wan peit ba jia aiu, ka la kyndit. “Wow Blei, kaei kan phi la wan rah Arjuna?” Ka la kmen bad shim ïa ki kti kata ka khynnah. Oh! Arjuna,dei maphi mo ba la wan rah da kane ka nongleit kurim kaba bhabriew kum ka buskit ka jingjop jong phi.? Ngam shym la ngeit ba phin leit ïa khun shisha, namar da kaba leh kumne phi iah ban die ïa ngi ha ki nongshun. Katno nga kmen ban ioh pdiang ïa kane ka pyrsa kurim, ong ïa nga .. Kaei ka... ale, ale.” Ia kmen palat ba u khun u la jop ia ka jingïaleh bakhraw. ... “Ale, ale...” Ka la khot, Katba ka nang rung, ki pat baroh 2 ngut ki ïa bud nadien. Ka kmie ka sei u shylliah ba kan shong, hynrei kum ka briew kaba la shai’, kam treh shong katba ki shynrang bad ka kiaw pat ki dang ïa ïeng. Kane baroh ka la pynshaiong ïa ka Draupadi kaba kam pat lait kren, hynrei kaba shu sngew lyngngoh palat ba ki ïalum tawiar ïa ka, hynrei ka bym nud pat ban peit ïa kita ki briew kiba kan shim tnga kylliang lada ki burom ïa ka hukum ka kmie jopg ki. Ka la long ka kam ka bym lah pyrkhat bad mutdur ba ka la wan ban ïa bia ym bad uwei u briew hynrei ïa ki sawngut ruh kiba ïa ap kmang mynta. Ka Kunthi kaba la sdang peit pyrman ïa kiei kiei baroh bad pyrkhat khohñioh kumno kane ka lyngshop kan wan hap kumne Kumta ka la ong noh, “Phi ïohi ngam shym tip shisha haba phi ong ngi la wan rah mar khrong. Nga nang mut katta dei ki juh hi ki rukom wan rah mar khrong, kumta nga la ong ban ïa sam ïa ka hapdeng jongphi Ka la pynkut da kaba dom. U Bhima u riewkhlaiñ u bym nang bha ha ki rukom kren u la shu kynblek, “Nga nga mut ban krenkai,nga mut.” u Arjuna mynta u kwah ban pynkut ïa ka jingïatainia u la ong, “Ko mei ki ktien jongphi ki ju long kum ka hukum ïa ngi, bad ïa kata ka iktiar ym lah ban ïatai nia. Kam lah ban long da kumwei. Ngin ïa bynta ia ka Draupadi kumba phi la hukum.” “Em, em, em,” la ong ka kmie. “Arjun,” la knieh ktien u Yudhistira. “Ka jingkren tyrwa kam kai aiu kaba kum kata. Ka briew kaba ïa shong bad uwei u briew, ka long ka tnga. Hynrei kaba ïa shong bad uba ar, balai, basaw, basan, ka long ka mar paidbah. Ka briew kaba kum kata ka long ka bd sniew, Ani ym pat ju bna phi kum kata.” “To ngin ym ïa kren ne ai buit ai nia shuh ïa kata.” La ong ka kmie. “Phi pynlong ïa nga ka briew ka bym suk shuh bad nga sngew kynton pop ïalade. Wat kren ne ai buit shuh shaphang kane.”
U Arjun pat u la kyrpad khadduh, “Kata nga long manga u nongpop ba ngan sa shah kyntait ban ym kohnguh ïa ka hukum ka kmie. Phi dei u hynmen ba rangbah duh uba don ki jingpyrkhat babha bakhuid uba tip ia kaba dei bad balait. Kumta ngi ki 4 ngut ki para bad kane ka khynnah ngin ngeit ha ki jingong jingbatai jongphi. Phi dei ban ong ban sneng ïa ngi kaei kaba bha bad kaba sniew. Qng ïa ngi ngin leh katba phi ong tangba ngin ym lah ban pynkhein ïa ka hukum i Mei.” Tang dep kren ïa kane baroh shipara ka peit sha ka khynnah bad ka snam ka sdang kiew biang ha ka khlieh Jong ki namar dei ha kaae ka par ba u blei jingieid. u Manmatha u la pynktah ba ka jingsngew bad ka jingkwah brai ka doh U Yudhistira mynta ynda u la pyrkhat biang, u ia kyomaw ia ka jingïathuhlypa uwei u stad shaphang kane ka jingjia. Kumta ban ym wanlam ïa ka jingatnud hapdeng shipara u la rai, ‘‘Kane ka Jingthaw baphylla to kan sa long ka tnga jong ngi baroh san ngut.”
U Syiem ka Panchala, kata u kpa jong ka Draupadi u la khot ïa ki Pandava ban ïa pynbeit ia ka sngi iaihoh. Te baroh sanngut, ka kmie, Draupadi ki la ïa leit ban shah pdiang burom bad bam khawai. La ïalam peit kai ïa ki kper soh, kper syntiew, sha ki jaka buh ki tiar ïapom, sha ki jaka buh tiar ki mar remdor, sha ki jingdro jingshtah dur, ki jingbuh jingsat sha ki kali ïapom, sha ki kulai. Hynrei haba ki la poi sha ka kamra ba buh la ki wait-sharyngkuid, ki stieh bad ki tiar ïaleh thma kine ki san ngut ki ïa ktah, ki tba bad ki ïa kylli jingkylli. Ha ka jingshisha ki kham pynlut por shibun ha kane ka jaka. Kane ka la pynsuba ïa u. Syiem uba rai ba kine ki san ngut ki dei ki nongïalehthma wat la ki riam kum ki Brahmin. Haba ki la poi biang sha ka kamra, u Syiem u la ai syndon na mationg ia u Yudihistira, “Nga tip ba phin kren ïa ki jingshisha. To iathuh ia nga phi dei kiei te?” Dei hangne ba u Yudhistira u la ïathuh ïa ka hok bad u la pynithuh ïa u Syiem ba ki del kiei, ïa ki jingeh baroh ba ki la ïa kynduh bad ki por naduh ba ki la mih na ka Hima la shi snem tam. U Syiem Panchala u la kmen, “To ngin ïaleh kmen mynta ba u para jong phi bad ka ksangti bakhlainJong u, un sa ïathoh bad ka khun jongnga. To ngin ïaleh kmen ruh ba ngi ki ar kur ngi la ïoh kane ka lad ban ïa shem lang kumne pynban, Ai ba ka pyrthei baroh kan leh kmen mynta ka sngi.” U Yudhistira te u la ong, “Nga dei u hynmen rangbah, hynrei nga dang marwei. Kat kum ka ain nga dei ban ïathoh shwa ma nga. Ai ka kyrkhu kyrdoh ba ngan bia shwa ma nga.”
U Syiem Panchala khlem tip ïa ka duh ka dang u la pynbna, “To kan long kumba phi kwab. Phi long uba rangbah duh. To ai ba ka khun jong nga kan long noh bad ka kur ka jait jongphi. Lada phi kwah ban ïa bia hi, phi lah ban leh kumta. Ne phi lah ban ai ha uno uno na ki para jongphi. Ngam don eiei ban ong.” U Yudhistira u la ong biang, “Ka Draupadi ka dei ban ia bia ïa ngi baroh san ngut. U sa batai ïa kaba la ïa baroh. “Ngi ju ïa bynta.kat kaba ngi ïoh. Ngim kwah ban leh da kumwei pat ïa kaba ngi ju leh.” U Syiem u la lyngngoh jlang haba u la ïohsngew ïa kane, bad um lah ban ngeit ïa ki shkor. Ynda sa shipbang u sa kyrkait, “U briew u lah ban ïoh shibun ki thga. Hynrei kawei ka kynthei ba kan ïoh shibun ki ‘tnga ka ‘long kaba ym shong blei shong kan bad ym pat ju iohsngew, ne la thoh ha kano kano ka kot khuid. Ym don mano mano ba lah ban mynjur ïa kane ka kam U briew u bakhuid, uba bha, uba tip uba stad kum phi kaei kaba la pynking samtawi ban kren khleh bieit kumne?” U Yudhistira u la pyrshang ban pynjai jai ïa u. “Ka lynti bahok barobor ka long kaba eh bad kyllain, nga tip ngan ym ïaid lait na ka. Ko Nongjop ka pyrthei, Wat pyrkhat da kumwei pat, ai ïa ngi ïa ka jingbit jong phi.” Hangta u Syiem u la ong, “To maphi bad ka kmie ba sngur jongphi, bad kumjuh ka khun jong nga, to ïa kren ïa tyrko hapdeng jong phi, bad sa ong ïa nga yn leh kumno.”
